विश्व स्वास्थ्य सङ्गठन (डब्लुएचओ) ले लोकतान्त्रिक गणतन्त्र कङ्गोमा इबोला प्रकोपसँग लड्नका लागि विभिन्न तहमा थप सहयोगका लागि आह्वान गर्दै आर्थिक अभावका कारण रोगको प्रतिक्रिया गर्ने क्षमतालाई पछाडि पारिरहेकोसमेत जनाइएको छ ।

दुर्भाग्यवश प्रकोप अझै पनि नियन्त्रणको क्षमताभन्दा बाहिर विस्तार गइ भइरहेको डब्लुएचओका प्रवक्ता तारिक जसारेभिकले बताए । उनले आर्थिक सन्दर्भमा थप समर्थन चाहिने बताउँदै नियन्त्रण प्रतिक्रियाका सबै क्षेत्रहरू मापन गर्न अन्य स्रोतहरू पनि चाहिने प्रस्ट पारे ।

उनले कङ्गोमा तीन हजार ७४८ वटा इबोला प्रकोपका घटनाको पुष्टि भएका घटनाहरू रेकर्ड गरिएको जानकारी दिए । तीमध्ये एक हजार ६५७ जनाको रोगको उपचारका क्रममा मृत्यु भएको जनाइएको छ भने ७०८ जना बिरामीहरू यो रोगबाट निको भएका छन् । थप २२७ वटा नयाँ घटनाहरु पहिचान गरिएको छ । यो सँगै १७ हजार मानिस निगरानीमा रहेको बताइएको छ र तीमध्ये ८० प्रतिशतभन्दा बढी दैनिक परीक्षण भइरहेको छ ।

देशका स्थानीय अधिकारीहरूले डब्लुएचओ र अन्य सहयोगी साझेदारहरूको सहकार्यमा ठूलो मात्रामा रोगको नियन्त्रण प्रतिक्रिया उपायहरू कार्यान्वयन जारी रहेको बताइएको छ । यद्यपि, प्रकोपसँग लड्न र प्रतिक्रिया गतिविधिहरूमा उल्लेखनीय वृद्धिका लागि आवश्यक आर्थिकलगायतका अन्य सहयोगहरु आवाश्यक रहेको जनाइएको छ ।

यसैबीच डब्लुएचओले विशेष गरी ठूलो मात्रामा मानिसहरूको निरन्तर आवागमन र सीमापार सङ्क्रमणको जोखिमलाई ध्यानमा राख्दै उच्च निगरानी र तयारी उपायहरू कायम राख्नुपर्ने आवश्यकतालाई दोहोर्‍याएको छ । रासस