पौडी खेल्ने क्रममा डुबेर आठ वर्षीया बालिकाको मृत्यु
रुकुमपश्चिम । रुकुमपूर्वको सिस्ने गाउँपालिका–५ स्थित कमलतालमा डुबेर एक बालिकाको मृत्यु भएको छ ।
तालमा पौडी खेल्ने क्रममा बालिकाको डुबेर मृत्यु भएको जिल्ला प्रहरी कार्यालय रुकुम पूर्वका सूचना अधिकारी एवं प्रहरी निरीक्षक लालबहादुर विकले जानकारी दिए । पुथा उत्तरगङ्गा गाउँपालिका–९ खाराबाङकी आठ वर्षीया साहासी रोका मगरको मृत्यु भएको हो ।
बालिका तालमा डुबेपछि उनका साथीले प्रहरीलाई खबर गरेका थिए । सूचना पाए लगत्तै घटनास्थल गएको प्रहरीले उनलाई उद्धार गरी जिल्ला अस्पताल रुकुमपूर्व लगेको थियो । उनको उपचारका क्रममा मृत्यु भएको सूचना अधिकारी विकले जानकारी दिए । रासस
प्रकाशित मिति: सोमबार, असार ८, २०८३ ०९:१३
प्रतिक्रिया दिनुहोस्
साताको लोकप्रीय
