काठमाडौँ । आषाढ शुक्ल पूर्णिमाको अवसरमा नेपाल महर्षि वैदिक फाउडेण्सनले गुरुका पनि महा गुरु नेपाली साहित्यका मूर्धन्य साधक प्रा.डा बासुदेव त्रिपाठीलाई अभिन्दन सहित विशेष सम्मान गरेको छ ।
ब्रह्मानन्द सरस्वती ग्राम, दक्षिणकाली वडा १ मा आयोजित गूरु पूर्णिमा तथा व्यास जयन्ती समारोह २०८२ मा प्रा.डा त्रिपाठीलाई फाउडेण्सनका संस्थापक अध्यक्ष डा. दिपक प्रकास बास्कोटाले नगद सहित अभिन्नदन गर्नु भएको थियो ।
ब्रह्मानन्द सरस्वती ग्रामको सभाहलमा पत्रकार, साहित्यकार, डाक्टर लगायत समाजका प्रतिष्ठित व्यक्तित्वहरुको उपस्थिति रहेको थियो । कार्यक्रमका प्रमुख अतिथि समेत रहनु भएका प्रा.डा त्रिपाठीले आफूलाई सम्झेर अभिन्नदन गरेकोमा फाउडेण्सनलाई धन्यवाद सहित संस्थाको प्रगतीको कामना गर्नु भएको थियो । त्यसैगरी कार्यक्रममा उपस्थित प्रा.डा.माधव प्र.पाण्डे, माधव प्रसाद अर्याल लगायतले शुभकामना मन्तव्य राखेका थिए ।
त्यसैगरी कार्यक्रममा ध्यान सिकाउने गूरु माधव अर्याल, चेतना अर्याल र मिनराज अधिकारीलाई पनि सम्मान गरिएको थियो ।
कार्यक्रमलाई समापन गर्दै फउडेण्सनका अध्यक्ष डा.बास्कोटाले कार्यक्रममा उपस्थिति जनाएर सहयोग गरिदिएकोमा सबैलाई धन्यवाद दिदै आगामी दिनहरुमा पनि सबैमा साथ र सहयोगको कामना गर्दै फाउडेण्सनले हरेक वर्ष गूरु पूर्णिमाको दिन विशिष्ठ गूरुहरुलाई सम्मान गर्ने बताउनु भएको थियो ।
