काठमाडाैँ । फ्रान्सको सर्वोच्च अदालतले बुधबार पूर्वराष्ट्रपति निकोलस सार्कोजीविरुद्ध २०१२ को पुनः निर्वाचनको प्रयासमा अवैध आर्थिक सहयोग लिएको मुद्दामा दाषी ठहर गरी फैसला सुनाएको छ । पूर्व राष्ट्रपतिको लागि यो दोस्रो सजायको फैसला हो ।

गत वर्ष पुनरावेदन अदालतको फैसलालाई उच्च अदालतले सदर गर्दै सन् २००७ देखि २०१२ सम्म राष्ट्रपति रहेका सार्कोजीलाई ‘दोषी ठहर गरिएको’ उनी बताउँछन् । 

पुनरावेदन अदालतले उनलाई विद्युतीय उपकरणको निगरानीसहित छ महिनाको लागि जेल र थप अर्को छ महिना पूर्व–परीक्षण हिरासतको सजाय सुनाइएको थियो ।

अभियोजनकर्ताहरूले सार्कोजीको दक्षिणपन्थी पार्टीले सन् २०१२ को चुनावी अभियानको वास्तविक मूल्य लुकाउन जनसम्पर्क फर्म बाइग्मेलियनसँग मिलेर काम गरेको तर्क गरेका छन् ।

सन् २०१२ को चुनावी अभियानमा उनले झण्डै चार करोड ३० लाख युरो खर्च गरेको आरोप लागेको थियो । यो उनलाई निर्वाचनमा खर्च गर्न पाउने सीमा दुई करोड २० लाख ५० हजारभन्दा झण्डै डबल खर्च गरेको आरोप लागेको थियो ।

उनका सह–प्रतिवादीहरूको विपरीत उनी कथित रूपमा लागत ढाकछोप गर्न प्रयोग गरिएको डबल–बिलिङ प्रणालीमा संलग्न नभएको तर अवैध अभियान वित्तपोषणको लाभार्थीको रूपमा उनलाई जवाफदेही बनाइएको थियो ।

सार्कोजीले ‘कुनै पनि आपराधिक जिम्मेवारी’ अस्वीकार गर्दै आरोपलाई ‘झुट’ भन्दै आरोपहरूको खण्डन गर्दै आए ।

पूर्व राष्ट्रपतिले पद छोडेपछि श्रृंखलाबद्ध कानुनी चुनौतीहरूको सामना गर्नु परेको छ । गत वर्ष डिसेम्बरमा उनले न्यायाधीशबाट अनुग्रह लिने प्रयास गरेको अभियोगमा अर्को मुद्दामा आफ्नो अन्तिम कानुनी सहारा लिएका थिए भने अर्को एक मुद्दामा उनले तल्लो अदालतको पहिलो फैसलापछि २० दिन जेलमा बिताएपछि आफ्नो सफल २००७ अभियानको लागि लिबियाली कोष मागेको आरोपमा पुनरावेदनको सुनुवाईको पर्खाइमा छन् । रासस