Khabar Out
नेपाल प्रहरीको ३२औँ महानिरीक्षकमा चन्द्रकुवेर खापुङ नियुक्त

काठमाडौं ।  नेपाल प्रहरीको प्रहरी महानिरीक्षक (आईजीपी) मा एआईजी चन्द्रकुवेर खापुङ नियुक्त भएका छन् । मन्त्रिपरिषदको आज बसेको बैंठकले खापुङलाई आईजीपी नियुक्त गर्ने निर्णय गरेको हो । 

हालका आईजीपी दिपक थापा यहि भदौ १९ बाट प्रहरीको ३० वर्षे सेवा अवधिका कारण अवकाशमा जाने भएपछि खापुङलाई १९ गतेबाट नै कमान्ड सम्हाल्ने गरी आईजीपी नियुक्त गर्ने निर्णय गरेको हो । खापुङ नेपाल प्रहरीका ३२ औँ आईजीपी बनेका छन् । 

हाल प्रहरीको केन्द्रीय अनुसन्धान ब्युरो (सीआईबी) प्रमुख रहेका खापुङ कुनै ठूलो विवादमा नपरेका प्रहरी अधिकारी हुन् । उनी डीआईजी हुँदा कोशी प्रदेश प्रहरी प्रमुख, एसएसपी हुँदा उपत्यका अपराध अनुसन्धान कार्यालयको जिम्मेवारी सम्हालेका थिए । 

प्रहरीमा निर्विवाद यसरी आईजीपी नियुक्त हुने अन्ततः खापुङ एक्ला प्रतिस्पर्धी हुन् ।
 

प्रकाशित मिति: शुक्रबार, भदौ १३, २०८२  १९:४७
प्रतिक्रिया दिनुहोस्
Weather Update