चितवनमा ट्रकसँग स्कुटर ठोक्किँदा दुईजनाको मृत्यु
काठमाडौं । चितवनमा ट्रकसँग स्कुटर ठोक्किँदा दुईजनाको मृत्यु भएको छ ।
दुर्घटनामा भरतपुर महानगरपालिका–२६ दिव्यनगर बस्ने २२ वर्षीय अशोक भण्डारी र लमजुङ घर भई हाल भरतपुर महानगरपालिका–२० बस्ने १९ वर्षीय राजिव गुरुङको मृत्यु भएको हो । दुर्घटनामा घाइते भएका उनीहरूको उपचारको क्रममा आज बिहान मृत्यु भएको हो ।
भरतपुरबाट रामपुरतर्फ जाँदै गरेको ना ५ ख ५८१६ नम्बरको ट्रकमा सोही दिशातर्फ गइरहेको बा.प्र.०६००४ प ७२४८ नम्बरको स्कुटर पछाडिबाट ठोक्किँदा उक्त दुर्घटना भएको हो ।
ट्रक चालक मकवानपुर राक्सिराङ गाउँपालिका ३ बस्ने २७ वर्षीय बाबुलाल थोकरलाई नियन्त्रणमा लिई घटनाबारे थप अनुसन्धान भइरहेको प्रहरीले जनाएको छ ।
प्रकाशित मिति: सोमबार, असार ८, २०८३ ०९:३५
प्रतिक्रिया दिनुहोस्
साताको लोकप्रीय
