रौतहटमा सवारीसाधनको ठक्करबाट एकजनाको मृत्यु
रौतहट । रौतहटको गढीमाई नगरपालिका–४ सुन्दरपुरस्थित समनपुर–गरुडा सडकखण्डमा सोमबार बिहान सवारीसाधनले ठक्कर दिँदा एकजनाको मृत्यु भएको छ ।
मृत्यु हुनेमा गढीमाई नगरपालिका-९ मलाहीटोलका ४३ वर्षीय प्रमोद सहनी रहेको जिल्ला प्रहरी कार्यालय रौतहटका प्रहरी नायब उपरीक्षक वसन्त गौतमले जानकारी दिए ।
ठक्कर दिने सवारीसाधनको पहिचान नभएको र खोजी भइरहेको प्रहरीले जनाएको छ । प्रहरीका अनुसार मृतकको बाँया खुट्टा साइकलको ह्यान्डलमा अड्किएको अवस्थामा रहेको तथा टाउकोमा गम्भीर चोट देखिएको छ । उनको शव परीक्षणका लागि प्रादेशिक अस्पताल गौरमा राखिएको छ । रासस
प्रकाशित मिति: सोमबार, जेठ २५, २०८३ २१:५८
प्रतिक्रिया दिनुहोस्
साताको लोकप्रीय
