नुहाउने क्रममा बेपत्ता पुरुषको शव भेटियो
तनहुँ । तनहुँको आँबुखैरनी गाउँपालिका–१ बरादीस्थित अकला मन्दिर नजिक मर्स्याङ्दी नदीको ड्याममा नुहाउने क्रममा बेपत्ता भएका पुरुषको शव फेला परेको छ।
दुई दिन अगाडि नुहाउने क्रममा बेपत्ता भएका स्थानीय टीका मगरको शव बुधबार भेटिएको जिल्ला प्रहरी कार्यालय तनहुँले जनाएको छ। विपद् व्यवस्थापन तालिम केन्द्र कुरिनटार र सशस्त्र प्रहरी बल मनकामना गणको संयुक्त टोलीले खोजतलास गर्ने क्रममा शव भेटिएको प्रहरी नायब उपरीक्षक श्रवणकुमार विकले जानकारी दिए। रासस
बेपत्ताको खोजी कार्यका लागि सोमबारदेखि नै समूह परिचालन गरिएको थियो।
प्रकाशित मिति: बुधबार, वैशाख २, २०८३ २२:४५
प्रतिक्रिया दिनुहोस्
साताको लोकप्रीय
