काठमाडौँ । खैरो हेरोइन र चरेससहित पाँच जनालाई प्रहरीले पक्राउ गरेको छ ।

प्रहरीको लागूऔषध नियन्त्रण ब्युरो कोटेश्वरको टोलीले लागूऔषध खैरो हेरोइन र चरेससहित पाँच जनालाई पक्राउ गरी शनिबार सार्वजनिक गरेको हो । पक्राउ पर्नेमा मकवानपुरको थाहा नगरपालिका–११ की ३८ वर्षीया कल्पना तामाङ, सिन्धुपाल्चोकको सुनकोशी गाउँपालिकाका ३१ वर्षीय विशाल श्रेष्ठ, सिन्धुपाल्चोकको चौतारा नगरपालिकाका ३९ वर्षीय अर्जुन थापा, काभ्रेपलान्चोकको तेमाल गाउँपालिकाका ३० वर्षीय सागर तामाङ र भारतीय नागरिक २५ वर्षीय बिपुल बर्मा रहेका छन् ।

पक्राउ परेकाहरूबाट ठुलो परिमाणमा चरेस र खैरो हेरोइन बरामद गरिएको ब्युरोका प्रवक्ता एवं प्रहरी उपरीक्षक दुर्गाराज रेग्मीले जानकारी दिए । खैरो हेरोइन बिक्री गर्ने भारतीय नागरिक बिपुललाई विराटनगर र बाँकीलाई काठमाडौँका विभिन्न स्थानबाट पक्राउ गरिएको उहाँले बताउनुभयो । पक्राउ परेका पाँच जनामाथि लागूऔषध नियन्त्रण ऐन, २०३३ अनुसार आवश्यक अनुसन्धान भइरहेको ब्युरोले जनाएको छ ।