नवलपुरमा स्करपियोको ठक्करबाट पैदलयात्रीको मृत्यु
नवलपरासी । पूर्व पश्चिम राजमार्ग अन्तर्गत नवलपरासी (बर्दघाट सुस्तापूर्व) नवलपुरमा स्करपियोको ठक्करबाट एकजना पैदलयात्रीको मृत्यु भएको छ ।
जिल्लाको गैँडाकोट नगरपालिका–१०, स्थित लांघाली चोकमा मंगलबार दिउँसो स्करपियोको ठक्करबाट सोही ठाउँ बस्ने ८२ वर्षीय भुवनसिंह मस्रांगी मगरको घटनास्थलमा नै मृत्यु भएको जिल्ला प्रहरी कार्यालय नवलपुरका सूचना अधिकारी वीरेन्द्रराज गुरुङले बताए।
नम्बर नखुलेको स्करपियोले पैदलयात्रीलाई ठक्कर दिएर फरार भएको सूचना अधिकारी गुरुङले बताउनुभयो । स्कारपियोको खोजी जारी रहेको उनले बताए।
प्रकाशित मिति: मंगलबार, पुस १५, २०८२ २१:५६
प्रतिक्रिया दिनुहोस्
साताको लोकप्रीय
