दमकमा बस दुर्घटना, एकको मृत्यु, २१ घाइते
झापा । दमक नगरपालिका–२ पाङ्गिनीचोकनजिक यात्रीवाहक बस दुर्घटना हुँदा एकजनाको मृत्यु भएको छ । अन्य २१ जना घाइते भएका छन् ।
जिल्ला प्रहरी कार्यालयका प्रहरी नायब उपरीक्षक खगेन्द्रबहादुर खड्काका अनुसार दमकबाट मोरङको टाँडीतर्फ गइरहेको बा२ख १९८३ नम्बरको बस गएराति दुर्घटना भएको हो ।
बसमा ३५ जना यात्रु सवार थिए । घाइतेमध्ये एकजनाको अवस्था गम्भीर छ । २० जना उपचारपछि घर फर्केका छन् ।
बस चालक मोरङ मिक्लाजुङ–३ का ३९ वर्षीय भक्तबहादुर दर्जीलाई नियन्त्रणमा लिइएको प्रहरीले जनाएको छ । रासस
प्रकाशित मिति: बुधबार, कात्तिक १२, २०८२ ०९:५८
प्रतिक्रिया दिनुहोस्
